Milani ka shënuar fitore komode në San Siro me rezultat 3-0 kundër Sampdorias e cila pjesën më të rëndësishme të gjysmëlojës së dytë e luajti me një lojtar më pak.
Ancelotti e filloi ndeshjen pa lojtarin kryesor, Leite Kaka, dhe mungesa e tij u vërejt menjëherë pasi që Rossonerët nuk gjenin hapësira pa yllin e tyre.
Me të inkuadruar Kaka në lojë në pjesën e dytë, gjithçka ndryshoi dhe gjërat shkuan në favor të Milanit.
Pas prekjes së topit me dorë brenda gjashtëmbëdhjetëmetërshit, Lucchini përveçse shkaktoi penallti, ai u ndëshkua edhe me kartonin e dytë të verdhë, dhe e la skuadrën e tij me një lojtar më pak (55’).
Nga pika e bardhë nuk gaboi Ronaldinho i cili ia dha epërsinë kuqezinjve.
Njëzet minuta pa përfunduar ndeshja, ishte sërish Ronaldinho ai i cili e dyfishoi epërsinë pas një aksioni brazilian me Leite Kaka.
Pas inkuadrimit në lojë në vend të Borriellos, Inzaghi tregoi pse mban nofkën SuperPippo, duke shënuar golin e tretë për Rossonerët dhe duke e vulosur takimin.